اتهدا ياقلب:محكية للشاعرة السورية لينا الخطيب

اتهدا ياقلب.
_____________
اتهدا ياقلبي اتهدا
دابو العيون
دمعاتك عم تتعدى
ع ريف جفون
هالحلو ال مانك قدو
قلبو حنون...
عم يغريني ويتحدى
 صرلو يومين

خليك الليلة عنا
دخن غليون
سمعني أحلا غناني
شو بكون ممنون
ياحبابي وياخلاني
هيدا المفتون
عشش حبو بقلبي
وبكحل العين

شو هالحب ال طالعلي
 طالع بجنون
عم يغزيني بنظراتو
 أكحل العيون
لو صرت مره مراتو
لعمل قانون
النظرة لغيري بكفره
والتوبه دين

ندر عليي يادنيه
والندر ديون
لو صارحني بيحبو
هيدا المجنون
لفرشلو قلبي محبه
وبيدر ليمون
وكنك صادق ياحبي
جيب المأذون
والفرحه ال كانت وحده
صارت تنتين
        لينا الخطيب