جمال طرطوس:محكية للشاعرة السورية فهيمة يوسف

.........جمال طرطوس .........
......................................
يا مصوّر صوّر طرطوس
..........الصّورة بتحلى بـألوانـا
فيها الغيمة عم بتبوس
........روس  جـبـالا  وريحـانــا

سهولا جـنّـات وأنـهـــار
.........جـبــالا  مـنـبـت  للثّـوار
وع خصرا بـحـرا زنّــار
...........وقلبا  الطيّب  إنسـانـا

عـالـرّمل بساتين الزّهر
...........وطيـور تغنّـي للبـحـر
وجناين أحلى من السّحر
.........وأهلا و سهلا  مـلـقـانـا

يـــا مصـوّر صــوّر أرواد
.........فـيـهــا تـاريـخ الأمجـاد
مهمـا النـوّ عليـهـا زاد
.........مــا بـيـتـزعـزع إيمـانـا

ولو تطلع صوب القدموس
......بتشوف  السحر الملموس
من عين الحاسد محروس
........فـوق  الغـيـمـة   بنيـانـا

ولا تنسى الحلوة بانياس
........فيها أحلى وأطيب ناس
والقلعة فيها نبراس
.........المرقب اسما  و عنوانا

ولازم عالشيخ بدر تروح
........وتداوي القلب المجروح
وتحيي للمجد  صروح
.......شيـخ  الثّـورة  وبـركـانـا

ومرّ بدربك ع دريكيش
.........فيهـا الجنـة عالكرنيش
والنبع بيهمس بشويش
.......بيشفي  الناس  المرضانا

وعالمشتى عملّك مشوار
.........بتلاقي  عـالأرض اقمار
وعـالقـمّـة للعـدرة مزار
.........الجنـة جبـالا ووديـانــا

وبـالآخـر صـافيتـا زور
........بتشوف البرج المشهور
فيهـا الشمعـة والبخّـور
.........وعيلـة  وحـدة سكّـانـا

أمّـا العـادات الحـلـوين
......ورثناها من سنين  سنين
والّي بيـجـيـنـا يومين
.........عمـرو مــا رح ينسـانـا
......بعمرو ما رح ينسانا ......