رح ابقى استناكي:محكية للشاعر السوري مازن برهان قاسم
*** راح ابقى استناكي
يلّلـــي تركتينـــي ورحتِ .... ونسيتي الدار
مــا رجعــــتِ وتــأخــرتِ .... وشعلّتي النار
*****
بعلمـي إنـــك مشـــــتاقــة .... نـسهر ونجنّ
وعينــي وعينـك تتلاقــى .... والقلب يحنّ
شـــو عملتي يــا ســرّاقة .... تا صار الظَّنّ
يســــــأل بــــلا لبـــــــاقة .... بـــدّو أعــذار
******
راح أبقــى اســـــــتناكي .... لطلــوع الضّو
العيشة صعبــــة وبلاكي .... ما بيحلا الجّو
مـــا فــــي جنّــــة لولاك .... لا تقولــــي لو
سبحانو الّلــي خلاَّكـــي .... تخبّي الأسرار
******
انشالله ما تطول النطرة .... والحلـم يفيـق
ينــزع علييّ السّــــهرة ...... بنصّ الطــريق
يـا خـوفـي يجي بكــرة .... وأبقى عا لريق
لا شـــمّ خـدود الزهرة ...... ولا طفّـي النّــار
تعليقات
إرسال تعليق