مهما تلف ومهما تدور:محكية للشاعر السوري مازن برهان قاسم
** مهما تلف و مهما تدور
مقهووور وقلبي حزين ..وعقلي ضيعتو من سنين
والدنيا بوجهي اسودت .. من علة اسما الروووتين
بكل وزارة وكل ديوان .. بتتمنى تلاقي فهمااااان
والقاضي عندو الميزان .. بتتحكم فيه ملاااااايين
مااا بتمشي حتى تدفع .. و تتمرمر وتتوووووجع
الكلمة الحلوة ما بتنفع .. وما بتفيد القواااااانين
الرشوة صارت فلوكلور .. متل الزحمة و الطابور
مهما تلف و مهما تدور .. ماااا بتجني غير الأنين
بتشوف من الغش فنون .. بتعجز عنها الشياطين
العدل غايب والقانون .. ميت ببلادي ومدفوون
مافي رحمة ولا ضمير .. وما في عقل ولا تفكير
الله يسااااااعد الفقير .. و يكون بعون المسكين
والمحبة فينااااا تسود .. وبلادي مرتاااحة تعود
والحكومة علينا تجود .. بمازوت وغاز وبنزيــن
تعليقات
إرسال تعليق