صبر أيوب:محكية للشاعر السوري ابو لطفي وسوف
احد مبارك على الجميع
صبر ايوب
يارب تهنا دخلك اهدينا
بليل العتم ضاعت امانينا
جارت علينا وقسيت الايام
بدنا صبر ايوب تعطينا
اعطينا صبر ايوب ياربي
الظهر انحنى من الهم مابخبي
صارت العيشه بالوطن غربي
صعبه نكمل هيك مافينا
صارت نفوس البشر منعله
عيشة قهر بالعوز والقله
زرعنا زرعنا ماعطي غله
غفينا بحضن الهم ووعينا
جارت علينا قسيت الايام
احلامنا صارت شبه اوهام
منتحسر وعدموعنا مننام
يبس الدمع سكر مأقينا
ع رقابنا بيكفي تشدوا خناق
مات الضمير وضاعت الاخلاق
غلو علينا السعر بالأسواق
ياربنا من الظلم نجينا
طارت وجنت عندنا الاسعار
عملوا التسعيره على الدولار
صامد وصابر شعبنا الجبار
لا تشمتو فينا اعادينا
لافي اناره وتدفئه بالجرد
عصافيرنا هربت ضناها البرد
ببيوتنا من البرد مات الورد
وثوب العتم سود ليالينا
٢٠٢١/١/٢٤
أبو لطفي وسوف
تعليقات
إرسال تعليق