ياجدي:محكية للشاعر السوري ابو لطفي وسوف
احد مبارك على الجميع
ياجدي
من ام الثوب النهدي
نهداتي زادوا نهدي
حلوه بحسن وقامه وقد
بسرعه مرقت من حدي
بأيدا حملت باقة ورد
ابيض احمر ومندي
حيتني وما انتظرت رد
قالت كيفك ياجدي
هون شعرت بحيلي انهد
تلبكت وطول ردي
سحرتني شدتني شد
تمنيت شويه تهدي
عصبت وسبيت الجد
وجدا ميت من مدي
راجعت حسابي محتد
اعرف شو باقي عندي
ولما رجعت سنيني عد
بعمري ذكرني عدي
شعرت بجسمي رعشة برد
طلبنا ع خير تعدي
مثل اللمعه قبل الرعد
قالت ياريح اشتدي
سكر راسي نهاري سود
قشعت الدنيا مسودي
درب الحب بوجهي انسد
مين التمعشق قدي
لطمت بدياتي ع الخد
ورحت مسباتي ودي
شو هل الدنيا جزر ومد
والحب علاك مصدي
لجنوني رح اوضع حد
ارجع اعشق مابدي
لكن مهما الغضب اشتد
رح يبقى في عندي ود
بحفظ لحبابي ودي
٢٠٢١/١/٣١
أبو لطفي وسوف
تعليقات
إرسال تعليق