بالعراقي:محكية باللهجة العراقية للشاعر العراقي علي المحمداوي
بالعراقي
بعيونك حبيبي نام بدر الليل
بعيوني كحل يلغالي خليتك
كتاب إنتَ بحياتي وفتخر بيه
ما مليت أبد منك من قريتك
جذب من كال أكدر آنه أنساك
نسيت الدنيا كله وما نسيتك
لكيتك بالمشاتل ورد معروض
بعت روحي برخص واشتريتك
إشكد مرت علينا كبلك كلوب
بس إنتَ إعجبتني وحيل حبيتك
أعز مني وعليَّ وغالي عالروح
عليك أجذب إذا فد يوم مليتك
بعيونك حبيبي نام نجم إسهيل
بعيوني كحل يا عمري خليتك
علي المحمداوي
تعليقات
إرسال تعليق