العشق بالسبعين:محكية للشاعرة السورية نوال امين حريقص
🍄🍄🍄🍄🍄🍄🍄🍄🍄🍄
🍄🍄🍄🍄🍄🍄🍄🍄🍄🍄
🍄🍄 العشق بالسبعين 🍄🍄
🍄🍄🍄🍄🍄🍄🍄🍄🍄🍄
🍄🍄🍄🍄🍄🍄🍄🍄🍄🍄
ختيار وبعدك جاهل
فوق السبعين
القصة ما عاد تستاهل
مضيت سنين
ناسي الشيبة والهيبة
وين رايح وين
وحاطط وردة بالجيبة
ابن العشرين
*****************
سايق سيارة حمرة
وداعس بنزين
مفكر رح تغري السمرة
بدفع ملايين
روح وغير هالفكرة
بتندم تخمين
بين الفكرة والسكرة
عتم كوانين
******************
الختيار المتلك شول
قاعد بالبيت
وانت ضايع متسول
بين رحت وجيت
حول زمانك حول
انسى ال ياليت
ربيع العمر تحول
ورقة بتشرين
******************
مهما تغير هندامك
بدك عكاز
وجبة تليق بمقامك
جوخا ممتاز
ونام وعيش بأحلامك
عضو الكاز
وصوم وصلي بمحرابك
ليوم الدين
***********************************
الشاعرة : نوال أمين حريقص
بلدي سوريا : حمص وادي النصارى :
***********************************
تعليقات
إرسال تعليق