ابو الزلف:فلكلور سوري للشاعر فايزة معماري
على لحن أبو الزلف
دائما البيت الأول
هيهات يابو الزلف عيني يا موليّا
هيهات يا بو الزلف
عيني يا موليّا
يا بلادي ما بهجرك
مهما تقسي عليّا
كنتوا يا أهل الوفا
أحبابنا كنتوا
ما دقت طعم الغفا
من يوم سافرتوا
ندرا لأمشي حفا
عالدير لو عدتوا
وعادت ليالي الصفا
تجمعنا سويّا
ياولف ليش الأسى
شو صار شو صابك
قلبي عَ شطك رسا
ومستنّي جوابك
ناطر لعل وعسى
تتذكر حبابك
تمرق عَ داري المسا
وتتلفّت عليّا
إنشالله يدور الزمن
ويرجعلي موالي
نسيت بليالي المحن
أيامي الخوالي
مابريد جنة عدن
بدّي رأسمالي
حبابي اللي هجروا الوطن
بليالي الرديّا /ة
ليه الظلم يا قدر
تتركني لحالي
وتبعت مراكب سفر
تسرقلي الغوالي
مجروح قلب الوتر
من لحن موالي
وقاعد بفي الضجر
عم فرفك إيديّا
صباح الخير أصدقائي
أتمنى أن يعود الأمن والأمان لوطننا الغالي ويعود إلى احضانه كل المهاجرين والمهجّرين
تعليقات
إرسال تعليق