صوت الجروح:محكية للشاعر السوري رامز دلول
صوت الجروح
تنادي وصوتك بالهوى بيروح
مافي دوا عم تنزفي ي جروح
هموم الدني بتسابق الايام
ما عاد فينا بالحقيقه نبوح
عيشك سراب ولقمتك احلام
صاحي وليلك ع الجمر مطروح
يا فاقد الاحساس غارق بالمنام
بيطيب ع صوت الاسى والنوح
مهما لبست توب التقى نمام
وثوب الاخوه من زمن مشلوح
الغازي م عمرو زرع في ارض السلام
ما دام بابا للغرب مفتوح
دنس اراض مقدسه فيها مقام
تاقت ل طهر المي فيها الروح
تعليقات
إرسال تعليق