موعد عكتف النهر:محكية للشاعرة السورية لينا الخطيب
موعد ع كتف النهر
__________________
الموعد عكتف النهر نتلاقى
هديه جمعت من الورود باقه
بلشت لملم اجمع الكلمات
روحي لملقى الولف مشتاقه
وصلت قبلو وقعدت حد النهر
ومروج خضرا لابسه لون الزهر
تاخر حبيبي مابقى عندي صبر
خلص الصبر ماعاد في طاقه
بحكي بصدق مابخلف مواعيد
بوفي بوعدي بصدق بالتأكيد
لما لمحتو قادم من بعيد
خفت من الغضب اعمل خناقه
وصل لقاني غاضبه واحتار
بلش ببسمه يقدم الاعذار
هزيت راسي قلت ياغدار
هيدي الحقيقه انكشفت وراقا
خاف الزعل بالعين شاف دموع
قلي تأني و عالجي الموضوع
قلبي صفي من دمعتك موجوع
دمعة عيونك بالقلب حراقه
قلبي الطيب الماضي رح ينسى
مهما جرى ع الولف مابيقسى
طلب السماح وخلصت القصه
النية سليمه لفعل الخير سباقه
لينا الخطيب
تعليقات
إرسال تعليق