هلكنا:محكية للشاعر السوري رامز دلول

 هلكنا

تقل الحمل ع كتافنا والله

وحل التعب ب رواحنا تجلا

وولادنا كل يوم بيشدوا الرحال

وبالهموم نضل نتسلى

طول الليل مغمض جفونو

والعيش طعمو فقد مضمونو

نحنا بشر لرواحنا صونوا

ماعاد فينا اللقمه نوصلا

بيكفي بنفسنا تزعزع الايمان

وبالف صوره منلمح الشيطان

بعمق المحيط تلاشت الشطان

ولاوجه فيه الرب يتجلا

لو بالحلم شي فجر عنا طل

من قلوبنا يمحي مرار الذل

وبربوعنا مانشتكي من القل

هلكنا بشهادة هالدني كلا