الشعر المحكي :محكية للشاعر السوري سليمان ابو لطفي وسوف
احد مبارك على الجميع
الشعر المحكي
لا تقول الشعر المحكي
مابدو فن وحنكي
ولا بدو تفكير كتير
سهل المحكي عالمركي
الماعندو ذوق وتقدير
ديناتو بدهم فركي
حتى يتعلم ويصير
يعرف شو لازم يحكي
يدخل مدرسة التنوير
يتعلم كيف الحبكي
جاهل يابو عقل صغير
مابظنك قد العركي
لو عندك قوة تفكير
عليي الاحمال بتركي
من قبلي عنتر والزير
وراهب سوري انطكلي
عطيو للشعر قناطير
محكي مدوزن عالبكلي
شعري نغمات عصافير
بتلعب عاحفافي البركي
مع شرب القهوه بكير
زرعت البسمه والضحكي
صبايا بالاصبع بتشير
عليي بحفلات الدبكي
عملوا مع شعري مشاوير
شبيبات صبايا شركي
وفلاح العا كتفو نير
ومنجيره راعي بتشكي
وختيار معتر تعتير
من رقة شعري بيبكي
حساسين تحاكي شحارير
مره تغط ومره تطير
تاخود من شعري بركي
٢٠٢١/٨/١
سليمان ابو لطفي وسوف
تعليقات
إرسال تعليق