الصيف:محكية للشاعر السوري بسام ابو لطفي وسوف
. الصيف
بلش يصفر العنقود
السهرات اشتاقت للعود
وصرخه من جوا الاعماق
يامهاجر عالضيعه عود
الضيعه الفيها تربيت
بعدو عامر فيها البيت
مابتتذكر ولا نسيت
الحلوه ام عيون السود
راحت ام الجدولي
تسأل امك مخجولي
ايمت رح يرجع قولي
لزرعلو عالدرب ورود
بعودتكم بيطيب الصيف
وبيرجع للصيف الكيف
اوعى تفكر حالك ضيف
طيفك بالضيعه موجود
العوده مابدها تفكير
رجع الامن وخير كتير
وصبايا مثل عصافير
الجوري من عطرن محسود
تحت الجوزه بأرض الدار
اشتاقوا للعزف الاوتار
ما منقبل منك اعذار
بتعرف في للصبر حدود
خلينا سويه نصيف
نفرح فيكم ونكيف
امك ترقص وتضيف
بيك يتكارم ويجود
من ديواني زعل الحكي
سليمان ابو لطفي وسوف
تعليقات
إرسال تعليق