تحت الصفر:محكية للشاعر السوري رامز دلول
تحت الصفر
بالعالم التالت بتتكرر صور
ع مساحتو وع مد عينك والنظر
والحال ع بواب الامم متسولين
وشعوب بدها العدل ما بدها صور
سلعة تجاره حالنا والغادرين
فينا الاهل يا قسوة الناب ال غدر
ب اعلى المراتب ب فقرنا مصنفين
صبرنا وذقنا مر عاقبة الصبر
واعرابنا النيران دوم مسعرين
وجيوش زيد محاصرا قلعة عمر
ومذياع عم يجتر نحنا محاصرين
والغانم بيسعى ل تذكرة السفر
ونحنا ل عشقنا الارض قيدنا الحنين
وقلنا الاهل ب بلسموا ل جراحنا
تاري المحبه نبضها تحت الصفر
رامز دلول
تعليقات
إرسال تعليق