وينك وين:محكية للشاعر السوري سايمان ابو لطفي وسوف
احد مبارك على الجميع
وينك وين
وينك ياحلواي وين
طولتي الغيبه عاالزين
ناطر بدو يلاقيكي
قبل الغيبه حد العين
ناطر قبل غياب الشمس
يشرحلك حبو بالهمس
وعدتيه وماجيتي امس
قلق وما نامتلو عين
مشتاق كتير يضمك
ياخد بوسه من تمك
كل ما قلك لا يهمك
ليش بيحمروا الخدين
اختارك نقاكي عروس
خدك حلمو صار يبوس
وبيعرف حالو منحوس
مالو حظ من الحلوين
الدنيا موسم صيف وحب
سهرات وحفلات وشرب
دخلك حني وهني القلب
الفيكي معلق من سنتين
بكرا بيطلطل تشرين
وما بيبقى عنب ولا تين
جينا نصيف مبسوطين
ونوفي شو في علينا دين
اصفروا الورقات بأيلول
وبكرا الشتويه بتطول
بدي قلك مش مخجول
عيشي عمرك مو عمرين
٢٠٢١/٩/١٩
سليمان ابو لطفي وسوف
تعليقات
إرسال تعليق