قاضي الغرام :محكية بقلم الاستاذه بشرى عباس من سوريا
#قاضي_الغرام
بدي اشكيلك همي
دخلك ياقاضي الغرام
خود الحكي من تمي
حالي والله مو تمام
ياسيدي بالله انصفني
حب الاسمر دوبني
غايب مابيسأل عني
بيمرق مابيرمي السلام
بحبو انا مجنونة
خبيتو جوا عيوني
ياعالم لاتلوموني
هيدا العشق والغرام
بغار عليه من النسمه
وبرسم ع شفافي بسمه
لما بيهتف بإسمي
بغيب بعالم الأوهام
وفجأة بقللي رح فل
ومن حبي قال هوي مل
نساني حالي والكل
ومن هجروا انا مابنام
ياسيدي شو بدي قول
ابعد عنو مو معقول
مسطولة وحبت مسطول
وعن وصفو رفعت الاقلام
...........................
يابنتي أمرك عجيب
صاير معك شي غريب
بلكي رأينا بيصيب
اذا ارفعنا قضية
رح ارفع القضية
وبجيبو ع الهوية
امنع عنك الأذى
قدام كل البرية
و قدامو لاتضعفي
وبين عيونو تختفي
ودموعك ما تزرفي
بدي ياكي قوية
ويا ويلي من فنونِك
وع الغالي تسيل دموعِك
خايف تشفعلو عيونِك
ونخسر سوا القضية
#بشرى_عباس /18/9/2021/
تعليقات
إرسال تعليق