الكرم والجود:محكية بقلم الشاعر سليمان ابو لطفي وسوف من سوريا
احد مبارك على الجميع
الكرم والجود
وينهم اهل الكرم والجود
صاروا عنا بهل الزمان قلال
انشالله المحبه بالارض بتسود
نعيش بفرح تتحسن الاحوال
بكرا على صفحات بيض وسود
تاريخنا رح تذكرو الاجيال
منموت وبيبقى الذكر موجود
هيدي الدني من دون قيل وقال
من الارض نحنا وللارض منعود
مهما سنين العمر كانوا طوال
محظوظ يلي بسمعتو محمود
ذكروا بيدوم بطيبة الاعمال
والدني فيها حاسد ومحسود
فيها التقي والأعور الدجال
حتى تنال الغايه والمقصود
والناس فيك بيشهدوا رجال
لا بيلزم مشاكل لا سحب فرود
ولا مشاكسه بتلزملك ولا قتال
توكل عاالله الخالق المعبود
بيعرف نوايا الناس والافعال
قلك على دروب القويمه عود
بعطف ومحبه عامل المنكود
بالاخره شو بتنفع الاموال
٢٠٢١/١٠/٢٤
سليمان ابو لطفي وسوف
تعليقات
إرسال تعليق