سهرة شبابية:محكية للشاعر حسين محمد من سوريا
-----( دعوة لسهرة شبابية ) شعر محكي :
قوموا ناموا ياشبابْ
صرنا نسمع صوت كلابْ
ويمكن راح يصيح الدّيك
وشو بينفع فنّك زرياب
حاج تقلّي هتلك شوح
وشكلك كنو مكشر نياب
فل ونملك شي ساعة
وبالسهرة ماضل طياب
ولاتقلّي اسّع بكير
أمي مابتسكر باب
وياريتك تسمع مِڼـّي
وبتعرف ماني كذّاب
وحاج تلف وحاج تدور
رح جبلك كاسة جلّاب
وبعدين بكمّل ياناس
وهلّق صايبني وتّاب
وضهري صاير متل اللوح
وماعندي حبوب التهاب
الكانوا معنا بالحفلة
حسيتن كلن أغراب
حتى في واحد منن
سارقلي جوزين جراب
والله يلعن هالسهرة
بلعنة ابليس الكذاب
لو بعرف هالسهرة هيك
ماجيت وسكرت الباب
---------------------------------------------------
شعر : حسين المحمد / سورية / حماة
نمحردة ------ جريجس 23/10/2021
تعليقات
إرسال تعليق