سلمية:محكية للشاعر سليمان ابو لطفي وسوف من سوريا
مشاركتي في الامسيه الشعريه في البيت العتيق بسلميه منذ سنه ٢٠٢٠/١٠/٢٦
سلميه
جاي سلميه اليوم شو جايب معي
فكر ومحبه وشعر شاعر المعي
جاي لرش الشعر بالبيت العتيق
شعري حلو ياسما ياارض اسمعي
شعر انسبك من جوهر ودر وعقيق
بيغازل النجمات بيقلا تعي
جايب معي من زهور وادينا الرحيق
اعطي لست البيت قلا وزعي
لكن قبل ماوصلت مارد بالطريق
شفتوخفت ليضيع من خوفي الوعي
واقف ع تله تحتها وادي سحيق
قلت الاجل قرب ياروحي ودعي
سألتو شو بتريد جاوبني الرفيق
جاي ع ارض المجد جاي تتدعي
منبت ابن خضور فايزها الانيق
تحدا الفرزدق لعن بي الاصمعي
عشتروت جبيل نقيتو عشيق
قلا لشمس الشعر من هون طلعي
وفيلسوف الشرق ناقدنا العريق
ع محمد الماغوط ياعين ادمعي
ياريت هل ماغوط من نومو يفيق
ينده سنين الخير ويقلا ارجعي
هوني
قلت للمارد الجبار عذرا ياصديق
زيارة سلميه كل قصدي ومطمعي
حبيت اعرف شعبها الحر الرقيق
وبشعر اهل البيت غذي مسمعي
حقق مرادي من القلب طفي حريق
قالوا بسلميه الحج بالشاعر بيليق
جاي بحماها حج ومسبحتي معي
ارشيف سليمان أبو لطفي وسوف
تعليقات
إرسال تعليق