وين الامل:زجلية للشاعر رامز دلول من سوريا
وين الأمل **زجل**
هالقلب نار وروح ملياني تعب
من زمن فيه الخلق بتشوف العجب
تقل الحمل والناس صارت ع الحصير
مازوت ما عندا ولا قرمة حطب
*************************
مل السمع من وين كنا وكيف صار
وفكري بجناحو حلّق لأبعد مسار
يافرحة التجار من ضيق الحصار
من عرق جهد الناس عم تجني دهب
*************************
من بعد ما فكري عبَر كونو الوسيع
تاه مني ومن ضياعو رح بضيع
ناطر بظني شي خبر يوصل سريع
وبركان روحي نار ولّعها الغضب
*************************
وين الأمل يشرق بعيني من جديد
بلكي بذاتي في ألو شوية رصيد
يطل الفرح ب خبر من عندو اكيد
يمحي المصيبي ربنا ويمحي السبب
رامز دلول
تعليقات
إرسال تعليق