ذكريات الضيعه:محكية غنائيه للشاعر محمد عزو حرفوش من سوريا
محكيّة غنائيّة.
ذكريات الضيعة..
محلا سهرات الضيعة ومحلا النسمات
فيها سحر الطبيعة و عطر الوردات
نصحا بنشاط وهمّه من الصبحيات
نركض تنشوف البيضة بقن الجيجات.
نفطر من خير الضيعة ع طبق القش
لقمة و عيشه هنيه ما فيها غش
نحمد الله ع النعمة ينور الوش
نسعى كلمن ع شغلو بالأرضيات.
فيها تعلمنا اللمّة وصدق الإحساس
واللي الله بيحبو بتحبو الناس
نبوّس ديات الوالد نحطا ع الراس
يرحم أيام الضيعة واللي فيها مات.
صرنا بزمن القرش و زمن التقليد
ضاعت أيام البركة و فرحة العيد
كل ما بذكر الضيعة يزيد التنهيد
بتنعشلي قلبي وروحي هالذكريات.
.. محمد عزو حرفوش..
تعليقات
إرسال تعليق