خجلانه:محكية للشاعر محمد عزو حرفوش من سوريا

 محكيّة..

..خجلانه.. 

خجلاني.. 

أفكارا كيف بدّا توصّلا 

ع حفاف قلبي لمّا يسألا. 

تميّل راسها وترجع ترفعو

متل الزنبقا لْ بعدا بْمشتلا. 

وحرير يرقص بمهب الريح

ينثر عطر وأنفاسي يدللا.

شفاف معتّقة تنده بلا تجريح

صرخات روحي ما فيي احملا.

عيونها تجرح خفا وتصريح

ألف سبحان الله ما أجملا.

همستْ لروحي والعشق فصيح

ارحم عيوني وحاجي تخجّلا.

تعا نكتب قصتنا ع المراجيح 

منّي أوّل حروف وأنتَ كمّلا.

.. محمد عزو حرفوش..