اجباري عني تمنيت:محكية للشاعر مازن برهان قاسم من سوريا
** إجباري عني تمنيت
مــا راااح اتمـنى ولا عيد .. ولا اسـتنى عـام جديد
الحزن استوطن بالقلوب .. شو نفع وجودك يا عيد
صاااار الـفـرح ذكـريـات .. والضحكة من الأمنيااات
و صرنا نحسد الأمـوات .. وكل واحد سـافر لبعيد
ما في أهل ولا أحـبـاب .. ولا فرحة تـطـرق عالباب
صرنا بهالوطن أغــراب .. بنسـأل شـو طالـع بالإيـد
نسـيـنـا أيـااام الأعـيـاد .. أضـحى وفـطـر والمـيلاد
وما عـاد عنّـا اسـتعداد .. كل ساعة الأحـزان تـزيـد
مشـغولين بهالـبردااات .. ورساااالة الماااااااازوتات
عم نقضي كل الأوقات .. حسرة وآهااااات وتنهيد
الـفـرحـة نسـينا أشكالا .. وطـعـمـا ولـونـا وجـمـالا
الغصة صاااااارت بدالا .. بغياااااااب الزمن السعيد
شـو اشـتقـنا للسـعادة .. والســهـرااات الـمـعـتـادة
مـا بـدنـا هـمـوم زيـادة .. بدنا الماضي الحلو نعيد
وبــدنـا هالأفــراح تعمّ .. وأريــج الأزهـــار نـشــمّ
وشـمل الحـبـايب يلـتم .. برقصة ودبكـة وزغاريد
يا عام الجـاية يـا ريت .. تسعد كل حارة وكل بيت
إجبااااري عني تمنيت .. الدعوووة من قلبي أكيد
تعليقات
إرسال تعليق