جاي العيد:محكية للشاعرة فايزة معماري من سوريا
جاي العيد
قوموا افتحوا الأبواب جاي العيد
ومارق ع ضيعتنا
مارق عالأكيد
وبمغارة القلب الشقي التعبان
جايي تا يولد متل فجر جديد
جايي يزحزح صخرة الأحزان
ويرجّع ليالي الفرح ويعيد
يلّي افتديت بدمّك الإنسان
وحملت عنّو الآخ والتنهيد
ياااااارب
رجّعلو المحبة والحنان
حاجي بقى همّ وشقى وتنكيد
واحفظ سوريا
وصونها في كل آن
وانصر ياربي
جيشها الحر العنيد
وشيل من أعمارنا
سنين الوجع
شيلن تا ننسى
وكبّهن لبعيد
من المشتاية
صباح الخير أصدقائي اتمنى أن تكون من الآن وصاعدا كل أيامكم أعياد
تعليقات
إرسال تعليق