ياصاحبي :محكية للشاعر سليمان ابو لطفي وسوف من سوريا
احد مبارك على الجميع وميلاد مجيد
ياصاحبي
ياصاحبي يابن الاصل والجيد
وحدك بتعرف قدرتي وفني
منك انا ما بطلب ولا بريد
الا اذا بيسأل حدا عني
وديه دخلك عامحل بعيد
اتركني مع الاحلام متهني
مطرح ماغنى البلبل الغريد
مع بلبل الشربين عم غني
العيشه الهنية بالعمر بتزيد
حضن الجبل ادفى من الجني
حساسين صوتا بيشبه زغاريد
هرج الصبايا بعرس او حني
هونيك لافي هم لا تنهيد
بنطر يجيني الوحي مستني
النبعه البسفح الجبل بالتحديد
كنلا بزمان المضى في طني
وكوخي بيسوى قصر من قرميد
عليه وعليي الدهر متجني
لما ببلش انسج بيوت القصيد
بعطي الامر للريح لا تجني
والعاصفة لو شفتها من بعيد
بصيغة امر رح قلها كني
بكتب وعندي بكل يوم جديد
مع هل الطبيعة عهود ومواعيد
ملكت حياتي والفكر مني
٢٠٢١/١٢/٢٦
سليمان ابو لطفي وسوف
تعليقات
إرسال تعليق