سنة الجديدي:محكية للشاعر سايمان ابو لطفي وسوف من سوريا
كل عام وانتم بالف الف خير
سنة الجديدي
شو بدي قول لسنة الجديدي
حزين وللسما واصل نهيدي
السنين القبلها شهورا وجمعها
شربنا الخل بكاسات النبيذي
ماظني جايبي الخيرات معها
وعن القبلا ظروفا مش بعيدي
بلادي الشعر لو حقق نفعها
كنت كل يوم بكتبلا قصيدي
وعيني برجع بكفكف دمعها
من الاهات والعيشة النكيدي
وشوف الناس متحسن وضعها
بسرعة ترجع ليالي السعيدي
وسوريا تعود تشفى من وجعها
وفيها تبلش شهور الحصيدي
وماعاد الناس تهرب من فزعها
والمس فرحة العالم بأيدي
والتجار نخلص من جشعها
يمشوا الناس بدروب السديدي
بلاد الغرب نخلص من طمعها
ببحر وبجو رح ابعث بريدي
وكلمة تسعد الناس بسمعها
كلمة يااخي مطرح ياسيدي
تبطل حية الرقطا لسعها
والصياد يشفق عالطريدي
يعم الفرح عاالارض بوسعها
وانشر صور حلوي بالجريدي
ويرجع موطني يجمع شملنا
وقتها بعيد وبيكون عيدي
٢٠٢١/١٢/٣٠
سليمان ابو لطفي وسوف
تعليقات
إرسال تعليق