بطلت اكتب غزل:محكية للشاعر سليمان ابو لطفي وسوف من سوريا
احد مبارك على الجميع
والعفو من السيدات الفاضلات
بطلت اكتب غزل
بطلت اكتب غزل للحلوين
مادام علينا مابقى يردوا
الله خلق حوا من التكوين
تعمل بأدم عكس مابدو
قلنا العذارى قلوبهم بتلين
من غرورهم ماعاد يتهدوا
بعلمك بود وحب متفقين
بسرعة حبال البغض بيشدوا
كل مابعتنا ورود ورياحين
بقسوة وجفا مسبات بيودوا
خلقوا وعندن طبع غدارين
والي في عندن وفا بينعدوا
كنا بجنة عدن مرتاحين
وادم مسلطن ماحدا قدو
من شجرة التفاح ممنوعين
موصى عليها الايد لاتمدوا
من طمع حوا والحسد تخمين
ضحكت عاادام بوست خدو
ماراد الله يلهمو ويعين
ريتو لحوا قال مابدو
سمع كلمتها وقع بالطين
الجورة غميقة وماحدا شدو
نزلوا من الفردوس مطرودين
عصيوا الاوامر ربنا تحدوا
رجعوا ترجوا الرب ندمانين
صاروا الولاول للسما يودوا
رب السما قلن يامغضوبين
عيشوا بشقاوة تعذبوا بالأرض
جهل ادم زاد عن حدو
عليه انغضب الله لا يردو
٢٠٢١/١٢/٩
سليمان ابو لطفي وسوف
تعليقات
إرسال تعليق