تلات خيارات:محكي شروقي للشاعرة فايزة معماري من سوريا
شروقية بعنوان
تلات خيارات
وقفت ونظرت إلي وقالت شبك يافلان
رايح وجايي قصد تَ تْمر قدامي
معقول صابك خبل معقول فيك جنان
معقول صاير شبح من ليل أوهامي
جاوبتها ..... يا حلا بحبك انا ولهان
وانتي حياتي وهنايا وكل إلهامي
لكن لأني ....... فقير معتّر وعدمان
بمشي بيمشي ورايي نحس ايامي
وانتِ الغنى والحلا وبيّك رفيع الشان
وبيني وبينك بحور وموجها طامي
وكل يوم بكبر سنة وبتكبر الأحزان
وبيزيد فيي الأسى وتزيد آلامي
يمّا اندريني شمع في دير مار سمعان
ابكي ودوب بصمت وتدوب أحلامي
يمّا البسيني عقد عا صدرك الدفيان
يمّا احبسيني غفا بعيونك ونامي
من المشتاية أحييكم أصدقائي أينما كنتم
تعليقات
إرسال تعليق