ست الدار:محكية للشاعرة بشرى عباس من سوريا

#ست_الدار ********* حصرم عنقودِك حَلّو ياست الدار لما عينيكي يغنوا بجن وبحتار بحتار بأمري والله وشو بدي قول بعمل حالي مابعرف ومَني مسؤول لاتقولي عني أبله ولا مسطول بدي بهواك أكتب أحلى الأشعار ياحلوة جننتيني وقدك مياس شغلتي قلبي خطفتيني من بين الناس حبك ياعمري بقلبي وتاجك عالراس من يوم اسكنتي قلبي فتح نوار جنوا شباب الحارة بِ هالعيون لما طليتي بسحرك على البلكون بجمالك والله مافي..مافي بالكون عا فستانك ها المزهر جنوا الزرار عا خدك خال بيحكي بسبع لغات احتاروا الشعار ينقوا الو الكلمات وبشفافك كتبوا وملوا كل الصفحات جن الخال من شفافك صار بدو يغار خدودك ياقمر ولونا بلون التفاح كلما بيهب الهوى بيرموني رماح من تفاحك هالأحمر عبيت قداح سكرتْ بحبك ياحلوة وصار اللي صار **************** #بشرى_عباس /12/2/2022/