بكير عا العشق:محكية للشاعرة بشرى عباس من سوريا
#بكير_عَ_العشق
***************
قالت يا امي عا العشق بكير
والورد بَعد ما فتّح على خدّك
وحاجي بقا قصص ومشاوير
ونسمات الهوى يمرّوا على حدّك
ولمّا بعيونك بينوا تباشير
وحب الدني مابقا قدّك
طرتِ بهاالدني متل العصافير
كلما الولف هَمّ ولمس يَدّك
لبستِ الحلا فستان وتنانير
وهوّي يَحسرة تغزّل بقدّك
هم العشق بالقلب والله كبير
خايف ياامي بيوم بيهدّك
تصيري متل مركب ببحر كبير
وياخدك موج البحر ويردّك
خلّيكي متل عصفور عما يطير
يهدي بكيفو ووين مابدّك
بكّير بعدك عاالهوى بكير
بلكي بيزهر الرمان عانهدك
تهدّي يابنتي الحب مو تصوير
مهلك لحتى تقطفي وردك
********************
#بشرى_عباس /26/2/2022/
تعليقات
إرسال تعليق