أحوال:محكية بقلم موسى معروف من سوريا
((((( أحوال )))))
شو بدّي قلّك يا خال
قدّيشا صعبي الأحوال
ما خلّو بالجيبي مال
الواحد من حالو طفران
.....
شغّلِّلي عقلك ... والمخ
قبل ما يكسد ... ويتخ
أحسن ماتوقع ... بالفخ
وتصير بعيشك .حيران
......
صارت عيشتنا. بجنون
من هالدولار .. الملعون
بتمضّي يومك. مغبون
بشي كان وباللي ماكان
......
صرنا متل ... المرجوحة
عيشي كلاّ .. شرشوحة
وقلوب الناس المجروحة
شي مرضان وشي. تعبان
......
ما حدى فيها.. مرتاح
خسارة وما فيها أرباح
صار المزارع .. والفلاّح
عيشتهن كلاّ . ..أحزان
.......
شو بدّي قلّلك يا خيي
عَ هالبطاقة.....الذكي/ة
شغلتنا صبح وعشي/ة
غاز...وكهرب...والأفران
......
كنّا بالماضي.. ..أحباب
ومانحتاج ندق... بواب
صارو الأخوة كالأغراب
وزادت أسباب الحرمان
..... .
كانت العيلة ...... تلتم
ابن الخال وابن.. .العم
كتر الهَم وزاد... .. الغَم
وكل واحد صار بمكان
......
يرحم أيام ... .الماضي
الواحد بعَيشو... راضي
ولو كانت جيبك فاضي
ما بتحتاج لأياً. ... كان
.......
بحب الناس تكون بخير
وعَ بلدنا يعمّ..... الخير
كفانا شقى ...... وتعتير
يا رب الرحمة.. والغفران
............ .................
....موسى معروف....
///٢٠٢٢/١/١٧///
تعليقات
إرسال تعليق