عيد الحب:محكية للشاعر سليمان ابو لطفي وسوف من سوريا

صباحكم محبه بعيد الحب عيد الحب شكرا ممنونك يارب ختيرت وماعدني شب ولاني مكلف بهديي تا قدمها بعيد الحب جايي العيد علينا كيف كفو متل جيابي نضيف مكيف محسوبك تكييف لا بيسب ولا بينسب الحب بقلبي ختير مات ولا في مين يقلي هات بلا حسرات ولا نهدات مطنش لو بيقولوا دب مسكين العاشق محزون الخاتم حقو بالمليون افضل مايبقى مديون يبقى اعزب نايم طب يارغيف الخبز بقلك منشقى حتى نوصلك يازمان الماضي بجلك كان الخير علينا كب كلفة جازتنا الفين بتلاتي بتاخد تنتين لا بيلزم قرضه ولا دين بتشرب ع ذوقك بتغب جانا هل عيد من بعيد يعطي العشاق مواعيد ويوميه في عيد جديد بدنا نسكر يالا صب من ديواني مشي معي سليمان ابو لطفي وسوف