شفاف سكرانة:محكية للشاعرة بشرى عباس من سوريا
#شفاف_سكرانه
*************
قالت حبيبي هات شي موّال
وقصيدة عشق بحروف مليانه
وقلّي حكي بالعمر مانقال
وبدفا شوية تعبت بردانه
قلّها
رح أغزل بِعشقك أحلى شال
وغنّي معك ألحان وغناني
ومن الأبجديه لبّسك خلخال
وقلّك ياعمري كتير حليانه
وعا مَبسَمك محلا الورد والخال
وبيناتهم عيوني شقد حيرانه
وقلبي لغيرك بالعمر ما مال
وروحي لبعدك كتير تعبانه
وقلبي مابيتعبو الترحال
بين النهود الدوم غفيانه
ورح سافر ومهما عليِّ طال
لاجفن غفي والعين سهيانه
سلبتِ العقل والروح والرسمال
وماضلّ شي من العمر تاني
حبيتك وبعدو القلب عاشق جمال
وإنتِ ياعمري بعد ولهانه
بحبك وبعدها مافي..مُحال
إنسى بوستك بشفاف سكرانه
***********************
#بشرى_عباس /17/2/2022/
تعليقات
إرسال تعليق