فصل اليباس:محكية للشاعر سليمان ابو لطفي وسوف من سوريا
. فصل اليباس
تخمين عودي بلش بفصل اليبوس
وقنديل عمري بلش بسرعه ينوس
لو ينطفي قنديل عمري ياشعر
بتعيش بعدي عيشة البنت العنوس
لو بينطفي قنديل عمري ياشعر
بتضل تشكي فرقتي طول العمر
يمكن على غيابي تطق من القهر
الا اذا دلوك عدروبي المجوس
نسيت بشهر كانون شو حكينا
وتحت الشتي نشرنا امانينا
نطرنا الربيع يطل يعطينا
بحب الطبيعه والجمال دروس
ياما بربيع العمر كسدرنا سوى
نشكي هوانا ينقل الشكوى الهوى
تبسم تعا تا نلتقي طال النوى
بحب البشاشه بكره الوجه العبوس
كنت بزمانك للوفا افضل جليس
بوحشتي بغربتي كنت الانيس
حيكت لك لبستك تياب العريس
من بنات فكري انا نقيت العروس
بكرا ان متت بتضل ببالي
من الرمس شمس الشعر بتلالي
راسم على الاوراق امالي
مجرم ع ارث الشاعر البيدوس
تحت الارض لو كنت بالجوره
بيبقى بخيالي للحلا صوره
بتسكن معي بالقبر مجبوره
بتبقى حبيسه انفتحوا باب الحبوس
من ديواني مشي معي
سليمان ابو لطفي وسوف
تعليقات
إرسال تعليق