نداء:محكية للشاعر مازن برهان قاسم من سوريا

 ** نداء  **

بدنا نحكي بشكل عااام .. وبدنا نتحدى الآلام 

حالة هالشعب المسكين .. بدااااا دعم واهتمام 

وبدنا نزيد الصراااااحة .. الحالة مانا مرتاااحة

بدا مشفى وجرااااحة .. وعطف وحنية وإلمام 

لازم يهتم المسؤووول .. ولايبقى عنا مشغول

يطلع شي مرة ويقول  .. كلمة حلوة بالإعلام 

هالشعب ال معنا واقف .. تحدى كل العواصف

من داعش ماعاد خايف ... خايف من غدر الايام

خلووووونا بأمرو نهتم .. وشملو مع عائلتو نلم 

ضحى بولادووو والدم .. حقو يتهنااااااا وينام 

ويا مسؤول و يا تاجر .. ما فيكن واحد شاعر 

كيف بترضى يا شاطر .. شعبك ينذل وينضام 

بيكفينا هموم وحسرة .. وشو عملت فينا النطرة 

ردوا عليناااا شي مرة .. حرام عليكن حرااااام