ياقلبي:محكية للشاعر سايمان ابو لطفي وسوف من سوريا
. ياقلبي
خفف ياقلبي من الدق
لا تكتر خايف للطق
عيشني مرتاح البال
شو بدك تاتحكي الحق
معتر ياقلبي الطيوب
خايف من قهرك لتدوب
الصادق عنا مو محبوب
محبوب التاجر بالرق
خليني مرتاح البال
طنش قلي ماشي الحال
لا بدي جاه ولا مال
وباب الواطي مارح دق
الندل مسكر ابوابو
وبابو عاشكل صحابو
يلعن بي الي جابو
قلبو قاسي مابيرق
ابن الاصل ان لاقيتو
بيستاهل شو ما عطيتو
للعالم فاتح بيتو
كبير وما تعود عالنق
مني لحبابي وصيه
مزبوطه ميه بميه
المافي عندو حنيه
دمو بيشبه دم البق
لابسمه وضحكي تعطيه
عايش لوحدو خليه
انساه واوعى تفكر فيه
خليه من حقدو ينشق
2022/3/6
سليمان ابو لطفي وسوف
تعليقات
إرسال تعليق