مابين يوم وامس:محكية للشاعر موسى معروف من سوريا

((( مابين يوم وأمس))) محكية لا حدى...يبكي.......... ولا حدى...يزعلْ لا بُدْ....يا خِلِّي.......... بالدور..رح نرحلْ لا تحزن وتندبْ......وع الوجه لا تضربْ الكل رحْ يقلب.........والموت.... مؤجَّلْ لا تزعل..وتبكي............وللروح لاتشكي وللغيرلا تحكي........ما في حدى مكمّلْ خليك هادي البال.......ولا توتر الأحوالْ بدون قيل ..وقال........ لا. تضرب بمندلْ اللي فداك بروحْ........ملَّيت قلبو جروحْ الناس كلاٌَ تروحْ..........وعَ القلب. .تتدلّلْ إذا زمانك.... راحْ....... وضيَّعت للمفتاحْ ما عاد في أفراحْ........ والخاتم......تبدَّلْ دقيت باب البيت.... تا يفتحوا .يا ليتْ تذكارهم خلّيت ....... بالقلب.......يتعلَّلْ بتحب كل الناس.. وبالرقة والأحساسْ بتحطهم عالراس.....والحظ.......متبهدلْ لا تقتل المقتول..... وتقول عنّو ...فولْ ولا تغش بالمكيول..... كل شي بيتسجَّلْ لا تقطع الأسباب... ولا تهجر الأطيابْ وإذا اندَق الباب...... افتاح....واستقبلْ لا تزجر الصبحة.... ولا تنزع...الفرحةْ خلّيك....بالمرحة.....وكل شي بيتوصَّلْ لا تشوّه الفكرة..... ولا تأجل ل بكرةْ بتروح.هالسكرة.....والندم..... يتغلغلْ لا تعدّْ ..بالأيام... ولا تعيش بالأحلامْ بتصير بالأوهام..... بالعمر.........تتأمَّلْ لاتعطي سرلْحَدّ..وتسامح فوق الحَدّْ ما بين جذر ومَدّْ.... البحر........يتحوَّلْ لا تقطع الموعود... ولا تخالف المعبودْ وجود...بالموجود......... الله.......يتكفَّلْ لا تخون للأوطان.... ولا تغدر. الخلاّنْ ينادوك. يا خوّان..... والندم...يستفحلْ لا تزرع الأشواك.....وتراعهم......بهواكْ يا بو طبع شكاك.... الأشواك..ما تحملْ أذكرزمان الوصل.وحافظ عَ ابن الأصلْ ولا تعاشرو للندل.......ترى ألك... يخزلْ ما حدى يرد القدر...مهما يعيش بحذرْ لمّا يتم البدر....... يبقى الوضع أكملْ خليك متل الزّان....يحاكي لَغصن البانْ ب.آذار مع نيسان...... صار الزهر أجملْ ما بين آه وأُوف....... العمر كلّو صروفْ موسى بن معروف.......برضاكُمُ. . يثملْ لا تجول بالأفكار.... ولا تغبن وتحتارْ كلّيتنا..........زوّار....... والعمر. ما يطولْ أنتَ عليها ضيف....لا تمرّ متل الصيفْ اللَّيت ولْ ياحيف.... ما. تنفع...بمَحملْ مابين يوم وأمسْ...وكل طلعة شمسْ بتصير تحت الرمس...لمّا الأمر......ينزلْ ..........موسى معروف...٢٠١٩/٩/١...............