عيد القيامة:محكي للشاعر المبدع سليمان ابو لطفي وسوف من سوريا

احد مبارك وقيامة مجيده عيد القيامه اعتدنا يقولوا بموسم الاعياد انشالله عليكم بالفرح تنعاد لا عاد شفنا لا سعاده ولا فرح ليالي الفرح صاروا علينا بعاد من سنين ماذقنا سعاده ولا فرح من قسوة الايام هل قلب انجرح لا تغير العدان ولا الصدر انشرح فقر ومرض مرقوا بليالينا السواد بعيد القيامه والفدا رح قول عند المسيح الحال مش مجهول حال البشر يارب مو مقبول دخلك ياربي لا توقف عالحياد ترأف يارب بحالنا والناس عين عم الكفر تركنا حبال الدين نطرنا الفرج مرقوا علينا سنين عوض المحبه والعفو ساد الفساد يارب انت الخالق القيوم غير وجهك ابد مابيدوم اغفر خطايا شعبنا المحروم وحدك اله الكون يارب العباد منطلب بيوم العيد من ربي يزرع بنفس البشر المحبي مايظل حقد وبغض متخبي نعيش بطهاره ندحض الاحقاد من سوريا بعيد على الاصحاب ان كانوا بحضن الوطن او غياب اهل عشنا بهل الوطن احباب من العيب نتخاصم بلا اسباب ربينا سوى قرينا بفرد كتاب لمجدك بلادي بترخص الاكباد كل عام وانتم والوطن بالف خير ٢٠٢٢/٤/٢٤ سليمان ابو لطفي وسوف