اجباري وغصباً عني:محكية بقلم الشاعر مازن برهان قاسم من سوريا

*- إجباري وغصبا عني........... مبارح واليوم وبكـرة III وكل الأيــــــام راح غنّي وعيد الكرّة III وأكتب للشــام ** ** ** إجباري وغصبا عني III بتكـتب الحروف عم تقـرا يللي بذهني III وعا شو ملهوف شو بدّي ما بتسألني III ســرّي مكشــوف بتعرف يلّلي شاغلني III من خمس عوام ** ** ** باب مصلّى والسويقة III والأمــويــيــــن والمـرجـة والحـريقة III وساحة شـمـدين والحـــارات العـتيـقـة III وحـيّ الأمـيـــن بتمـنّـى كل دقـيـقــة III عـانقـهـــا ونــام ** ** ** والحمـرا والحميـدية III وحـيّ الشـــعلان والأصـالـة الشــامية III بحـيّ الـمـيـــدان الـمـزّة والقـيمــريـة III وتـومـا وكـيــوان وبالقعـدات الشـعبية III بيحـلا الإلهـــــام ** ** ** ويا عـيني عالعـمـارة III ومعها القصـور والقشـلة والـتـجـــارة III وبســتان الـدور وكل موقـف وإشــارة III وفسـحـة وتنّور بكل ساحة وبكل حارة III بأحيـاء الشـام