الحظ:محكية للشاعر علي عبد النبي من سوريا

[ الحظ ] مرت قبالي وقال ياعمي يسعد صباحك ياأبو الهمة رحبت فيها وقلت إنتِ مين قالت فقيرة وعاوزة لمة خدودا ورد وجبينها ياسمين والشعر متل الليل بالعتمة قلتلها شو حاجتك آمين ولا تسألي غيري ولا تلمي قالت ياعمي مال مابدي بدي قلب صافي يقف حدي بدي حنان وعاطفة .وإنسان عيش بحنانو ويكتسب ودي بدي قلب عاشق قلب ولهان يرسم قلب حبو على خدي، يفهم اذا بيحكو معو الأجفان ويطفي لغى الحرمان من شهدي، والليل لما يطل حدي يضل، ويزيل عني الهم والغمة ولما القلب للقلب جن وصار بركان بين ضلوع شاعل نار وشو حالة الشاعر إذا بيكون قبالو عطر دافي وزهر جلنار بيصير ياأهل الهوى مجنون من وين يقطف عاطفة محتار من الخد ولا من سواد عيون وبتصير أنفاسو طفل مرهون بجنة عناق وعاطفة وضمة ضميتها والنار بضلوعي وغير الغزل ماعاد مسموعي ومع كل آه وآه اشرب كاس وعن جفن عيني كفكف دموعي وأخماس عم أضرب على أسداس كيف بدي شبع بالحلا جوعي بلمسة محبة صابني إحساس إنو خطير كتير مشروعي بعلمي العطر واللطف والإيناس والحسن عالوجنات مرجوعي بعلمي بلحظة ما انتبهتلها وشالت وجه عيري وصفا وجه من الخوف ع حالي صرت سمي بقلم علي عبد النبي