بالاعادة افادة:محكية للشاعر متزن برهان قاسم من سوريا

** بالإعادة إفادة ..................................... بعـــرف إنــو فـي تكــــرار /// بـالنثـر وبعـض الأشـعـار بـس الـغــــايـــة بـتـبــرِّر /// لـمّــــا بتـقــــدِّم أعـــــذار هـالأزمــة ســنينا طالت /// والكلـمـة بـوصـفـا احتارت مهمــا صـــالت وجـــالـت /// محكومة بـنــوع الأخـبـار كل ما ناقشنا مـوضـــوع /// بتعطش ورقاتي وبتجوع ما بنلحق نمسح الدموع /// حتـى يـجــرفـنــــا الـتـيــار كل ساعة في هم جديد /// ما بتقدر عن ذكروو تحيد خـلّـونــــا نكـرّر ونـعـيــــد /// والـفــكـرة تـولِّــد أفكـار بـــالإعــــــادة إفـــــــادة /// ســمعنـاهـا مـــن الــولادة ومــا غيّرنـــا هـالعـــــادة /// مـن يـوم اللي كنّـا صغـار حتـى لـمّـــــا بنـتـغـــزّل /// بســـــــوريــا راح نـتـأمَّـل الـقـلب الـ فينــا بيتحوّل /// مـــا بــــدّو إذن وإنـــــذار يلّــي مـن الكلمـة ملّوا /// حـقّنْ يـمـشـــــو ويـفــلّــوا ويلّــي بمحـبّــــة ضلّـوا /// لا يـلـومونـا شــو ماصــار انشالله بترحل هالأزمة /// ويتغـيِّــر لـــونـــا الكلـمـــة وكل ساعة نقدّم رسمة /// مـا فـيهــا غـيـــر الأزهــــار