يابحر:محكية للشاعر مازن برهان قاسم من سوريا

**- يا بحر .............. يـا بحـر تـلطَّـف فـيـنــا IIII ولا تقـسى كتـيـر عليـنا خـلّي بمـوجـك حـنـيّـة IIII إجـبـــاري عـنّــا جـيـنــا هـربـنـا من غـدر الأيـام IIII ومن ظلم اغتال الأحلام وقــررنــا بحضنـك ننـام III لا تـغــدرنــا وتـرمـيـنـــا يـا بـحـر تحمّـلنا شوي IIII روق عـلينا وقول خطـي بيـن الـدمّ وبـيـن الميّ IIII عــم تـغـــرق أمـانـيـنـا نشـفت بالعين الدمـوع III عاللي مهاجر والموجوع كل ساعة ويوم واسبوع IIII بـنــدعـي الله ينجـيّـنـا يـارب تلـطّـف بـالـناس IIII تعبنا من حبس الأنفاس اشتقنا لصوت الأعراس IIII والـفـرحـــة بـلـيـالـيـنـا وارحـمنـا ويسّر يــارب IIII وسهّل عـلينا كل صـعـب وخلّينــا نودّع هالحـرب IIII ونسـتـقـبـل أهـالـيـنــــا