وينك وين:محكية للشاعر سليمان ابو لطفي وسوف من سوريا

. وينك وين وينك ياحلواي وين طولتي الغيبه عاالزين ناطر بدو يلاقيكي قبل الغيبه حد العين ناطر قبل غياب الشمس يشرحلك حبو بالهمس وعدتيه وماجيتي امس قلق وما نامتلو عين مشتاق كتير يضمك ياخد بوسه من تمك كل ما قلك لا يهمك ليش بيحمروا الخدين اختارك نقاكي عروس خدك حلمو صار يبوس وبيعرف حالو منحوس مالو حظ من الحلوين الدنيا موسم صيف وحب سهرات وحفلات وشرب دخلك حني وهني القلب الفيكي معلق من سنتين بكرا بيطلطل تشرين وما بيبقى عنب ولا تين جينا نصيف مبسوطين ونوفي شو في علينا دين بيصفر الورق بأيلول وليل الشتويه بيطول معي ام رمش المكحول بتعيشي عمرك عمرين ارشيف سليمان ابو لطفي وسوف