بعض البشر:محكي للشاعر مازن برهان قاسم من سوريا
** بعض البشر (2)
بتســمـع مـنّـو نـصـائـح .. مكشوف كتير وواضح
مـا فـي عـنـــدو مبـادئ .. وعـايش على المصالح
أسـتـاذ بـفـن الـتـزويــر .. واحقد من غولدامـــائير
بِـحـب الـتـبـاهـي كتيـر .. وما بـتهـمّـو الـفضـايـح
مـفـكّـر حـالـو جـيـفارا .. أو زعـيـم بشـي حــارة
وبالـسـياسـة وأسـرارا .. ما بيعرف كيف يصـافح
وبالـفـقه وأصول الدين .. بيتحدى شيخ محي الدين
بـس الحـقـيـقة مسكين .. خســران وغـيرو رابـح
طبعو غريب وعجيب .. ببـفـرح لـمّا بيعمل عيب
من اسمو ما لو نصيب .. ومـفـكّـر عـقـلو راجـح
كـتـيـر بيمـدح بحـالـو .. وبـيـتـبـاهى بأفـعـالــــو
وأصـحاب الـمتل قالو .. كـذاب الـ حـالــو مادح
بتتحاشى كلامو الناس .. وبيقرف منو الاحساس
متل الوسواس الخناس .. فـتـنـة وشــر وقـبـايـح
16/10/2022
............... يتبع كل سبت
تعليقات
إرسال تعليق