عم بحلم:محكي للشاعر مازن برهان قاسم من سوريا

*** عم بحلم .... عم بحلم صارلي زمان .. بيوم مطرَّز بالأماااااان لا في همّْ ولا فـي دمّْ .. ومافي خوف ولا إذعان ولا غصّة تحرق القلب .. أو دمعة تنسّينا الدرب والأزمة تخلص والحرب .. يطوي ويلاتا النسياااان ومتل العالم نام وفيقْ .. مااااا عندي همّْ ولا ضيق وما في مشرّد بالطريق .. ولا نـازح ولا جوعـاااااان ولا تاجر يكوي الأسعار .. ولا خـاين ولا سـمسااااااار أو مسـؤول يشـعِّل نـار .. ولا قاضي يغشّ الميزااااان ولا شرطي ينسى الواجب .. أو حاجز ينسى يراااااااقب ونلغي الإعــلام الكـاذب .. ونهتم بـوضع الإنسـاااااااان ونخلص من داء الروتين .. ونـتـقـيَّــد بـــالقـــوااااانـيــن ويرجــع يغمرنا الحنـين .. وتبقـى ســـوريا العـنواااااان وترجع ببلادي الحارات .. مضوّاية تحكـي حكايـااااات وعالعتبة تحلى السهرات .. بيــن الأهــل والجـيــرااااان انشـالله بيتحقَّق حلمـي .. بـدعـووووة أمَّـك مــع أمــي وبيرجــع يضحـك تمّي .. ولا يبقــى سوررررري زعلان