نجمة الميلاد بقلم الاستاذة جورجيت صوفان من سوريا
نجمة ✨الميلاد
نجمك بالسما ضوا
وللناس أعطى إشارة
مولود من عدرا أكيد
توبا معتق طهارة
من بين بنيات الأرض
اصطفاها رب الأكوان
بشرها. بسر الميلاد
وطوّبها عَ مرّ الأزمان
مجوس من بلادالشرق
عرفوا زمان. الظهور
حملوا هدايا للمولود
ذهب ولبان وبخور
يا عدرا عندك زوار
ملّوا. كل ركان الدار
دارك مغارة صغيرة
صار الليل فيها نهار
يا فادي مهدك وضيع
محروس بعدرا ونجار
وملايكة الكون الوسيع
بترنملك ليل ونهار
اليوم ميلاد الفادي
اليوم ابتدا الزمان
افرحي يا كل الأرض
ولد المسيح الإنسان.
...⭐✨⭐✨⭐
٢٥/١٢/٢٠٢٢
جورجيت
#..كل عام وانتم بألف خير.ان شالله أعياد مجيدة..لجميعكم.... امين
تعليقات
إرسال تعليق