تكويع:للشاعر عبد الرحمن القاسم الصطوف من سوريا

قيامه مجيده كل عام وانتم بخير العيد عايش بدنيا العوز والقلي قرب يجينا العيد لا تقلي معذور يلي عاش بالحرمان ان ماعاد صام وبطل يصلي كانون عندو اشبه بنيسان من غير ربيع العمر بيولي ماهمني شو حكيت الاديان ولا معتقد اي مذهب وملي ولاشو قال الفيلسوف فلان ولا مين عبى المي بالسلي والقال نحنا بالوطن اخوان الله بيوطي وناس بيعلي الناس الربيانه على الاحسان بالطيب كاس المر بتحلي بتقدر تساوي معتر وجوعان بسارق معبي البطن ومملي معقول ضاعت كفة الميزان وصار الحرام حلال يادلي بيحكوا عن انسانية الانسان يسود العتم ع النور لا تخلي وين الضمير الحي والوجدان رجعنا نعيش بعقل عثملي مهماركضت مابتلحق الغزلان ومهما طرت بالحلم لاتعلي بالضيق منذكر ربنا الديان منمشي عدرب الحج متولي مهماجمعت من الأصفر الرنان لا مال بيشفعلك ولا غلي ٢٠٢٣/٤/١٦ سليمان ابو لطفي وسوف