خلص العمر:محكي للشاعر سليمان ابو لطفي وسوف من سوريا

. خلص العمر خلص العمر رح كمل الباقي اتذكر وسجل على وراقي مثل الحلم كيف مرت الايام لعهد المضى بتزيد اشواقي بسرعه علينا مرت الايام احلام عم تركض ورا احلام اخوي اهل و بفرد غرفه ننام قوم الصبح صبح على رفاقي منوعى الصبح كل يوم عبكير غير العمل مو شاغل التفكير عصافير مره تغط مره تطير وصيحات ديك وجاج بيقاقي مثل الاهل جيراننا بالحي منحس كل رفيق النا خي منشعر بكل كبير مثل البي عندو محبي وعطف منلاقي رعيان تسرح بالغنم عمروج ومروج خضرا بالورود تموج نساوين خصورا مزنرا بحروج يغنوا العتابا وزلف وفراقي رفوف الصبايا شو بينحبوا من العين لما جرار بيعبوا وفلاح متوكل على ربو يسقي الحقل من مية الساقي ايام حلوي وبعدها بالبال بالبال مهما عشت مابتنشال واليوم البيسأل عن الاحوال بسخر وبتضحك على من قال العيشه هنيه والشعب راقي اسوء مامر بيوم عافياقي من ديواني حواش العزل سليمان ابو لطفي وسوف