حكاية عشق:محكي شروقي للشاعرة فايزة معماري من سوريا

شروقية بعنوان /حكاية عشق / مرة ضجرت من بيتنا ومشيت عصرية/ي حامل بإيدي مسبحة وعم عد حباتا وكلما تعبني المشي ..... اتوقّف شويّ واتكي عَ شجرة عم تودّع وريقاتا والشمس يلّي تعوّدت عالنوم مسوية/ي راحت وسحبت وراها خصل شعراتا ما دريت كيف وصلت عا هيك بريّة/ي ما فيه غير الصمت ساكن بجنباتا أصداء شهقة وبكي وصلت لدينيّي مع صوت هاك الساقية وسقسقة ميّاتا حسيت شعري وقف وتربّطوا جريّي ولحقت خيط الصدى وسمعت نهداتا ما عرفت هيّي أنس او هيّي جنيّة/ي أو شي حورية غلط هجرت سماواتا كل الجمال اكتمل .. بِحسنها هيي وقلبي سبقني وهدي عَ كفوف دياتا قوّة وحنين وغرام تسلطوا عليّي وقرّبت صوبا تا اعرف شو حكاياتا قالت يتيمة انا ومتل اللي منسيّة/ي في بيت فيه القساوة مصوّرة بذاتا حرمة مثال الظلم لكن مرت بيّي بدها تجوّزني غصب واحد من خواتا متلا غليظ القلب لأ أكتر شويّي استرني يا شب هربت من بين دياتا وشو خفت لمّا العتم خيّم حواليّي وبكيت من شر الدني ومن ظلم عاداتا وعيت مشاعر هوى وتحكّمت فيّي ومدّيت إيدي لها ..... ومسحت دمعاتا ورحنا ودروب الهوى تمشي بنا سويّة /ي وصارت حلالي وصرت قلبا ونبضاتا وعشنا بنعيم الهنا وعاشت بعينيّي وصرنا حكاية عشق عَ لسان جاراتا تحياتي أصدقائي فايزة معماري من المشتاية